Молитва Святому великомученику и целителю Пантелеимону

О, великий угоднике Христов, великомученик и врач многомилостивый Пантелеймоне! Умилосердись надо мной, грешным рабом Божиим (имя), услыши стоны мои и плачь мой, умилостиви Небесного Верховного Врача душ и телес наших, Христа Бога нашего, да дарует мне исцеление от жестокого гнетущего меня  недуга. Прими недостойное моление грешнейшего больше всех человеков. Посети меня благодатным посещением. Не отвратись от греховных язв моих, помажь  их елеем милости твоей и исцели меня; да здрав буду жить душою и телом остаток дней моих, при помощи благодати Божией, да укреплюсь и проведу в покаянии и угождении Богу, и удостоюсь получить добрый конец живота моего. Ей, угоднике Божий! Умоли Христа Бога, да дарует мне  заступничеством и председательством твоим здравие тела и спасение души моей.

Аминь.